लोणीकंद–पेरणे जिल्हा परिषद गटात भाजपाचा झेंडा; तिन्ही उमेदवारांचा दणदणीत विजयी

जिल्हा परिषद सदस्य:किरण संपत साकोरे ३०५१ मतांनी विजयी

पंचायत समिती सदस्य: मोनिका श्रीकांत कंद ४४८६ मतांनी आणि राणी वाळके अवघ्या २९२ मतांच्या फरकाने विजयी

लणीकंद प्रतिनिधी :

लोणीकंद–पेरणे जिल्हा परिषद गट क्रमांक ३७ (ओबीसी – सर्वसाधारण) मधून भारतीय जनता पार्टीचे उमेदवार किरण संपत साकोरे यांनी सुमारे ३०५१ मतांच्या फरकाने दणदणीत विजय मिळवला आहे. तसेच लोणीकंद पंचायत समिती गण क्रमांक ७३ (सर्वसाधारण महिला) मधून मोनिका श्रीकांत कंद आणि पेरणे पंचायत समिती गण क्रमांक ७४ (सर्वसाधारण महिला) मधून राणी दत्तात्रय वाळके यांनीही विजय मिळवत भाजपाचा झेंडा फडकवला आहे. तिन्ही जागांवर भाजपाचे उमेदवार निवडून आले, या तिन्ही उमेदवारांनी भाजपच्या कमळ या चिन्हावर निवडणूक लढवली होती या गटात भाजपाचे वर्चस्व सिद्ध झाले आहे.

जिल्हा परिषद गट क्रमांक ३७ – अंतिम मतमोजणी

एकूण मतदान : २८,४११, किरण संपत साकोरे (भाजप) – १५,२३४ मते, प्रदीप वसंत कंद (राष्ट्रवादी काँग्रेस पार्टी) – १२,१८३ मते, योगेश बाजीराव झुरुंगे (शिवसेना) – ८३० मते, नोटा – १६४ मते, किरण संपत साकोरे ३०५१ मतांनी विजयी

लोणीकंद पंचायत समिती गण क्रमांक ७३

अंतिम मतमोजणी एकूण मतदान : १३,५७१, मोनिका कंद (भाजप) – ८,७२२ मते, लोचन शिवले – ४,२३६ मते, वंदना शिवले – ४७० मते, नोटा – १४३ मते, मोनिका श्रीकांत कंद ४४८६ मतांनी विजयी

पेरणे पंचायत समिती गण क्रमांक ७४

अंतिम मतमोजणी एकूण मतदान : १४,८४०, राणी वाळके (भाजप) – ७,२६७ मते, संगीता वाळके – ६,९७५ मते, छाया वाळके – ३९५ मते, संध्या कांबळे – ६५ मते, नोटा – १३८ मते, राणी वाळके २९२ मतांच्या फरकाने विजयी, निकाल जाहीर होताच, निवडणूक मतमोजणी केंद्र बाहेर भाजप कार्यकर्त्यांकडून फटाके फोडून गुलालाची उधळण करून आणि घोषणा देत जल्लोष करण्यात येत आहे.