‘लोणीकंद टाईम्स’चे प्रकाशन सोहळा उत्साहात

लोणीकंद टाईम्स प्रतिनिधी : श्रीक्षेत्र तुळापूर पवित्र आणि ऐतिहासिक भूमी म्हणून ओळखल्या जाणाऱ्या तुळापूर येथे ‘लोणीकंद टाईम्स’ या साप्ताहिक वृत्तपत्राचा प्रकाशन सोहळा मोठ्या उत्साहात पार पडला. सामाजिक कार्यकर्ते उत्तमराव भोंडवे, माहिती सेवा समितीचे अध्यक्ष चंद्रकांत वारघडे तसेच कृषी उत्पन्न बाजार समितीचे माजी उपसभापती नारायणराव कंद यांच्या हस्ते या वृत्तपत्राचे प्रकाशन करण्यात आले.

या कार्यक्रमाला तंटामुक्ती समितीचे अध्यक्ष संजय कंद, श्रीमंत झुरुंगे, रवींद्र कंद, रघुनाथ तापकीर, बाळासाहेब मोरे, गुलाब कंद, बाजीराव कंद, सिताराम बाजारे, जनार्दन वाळुंज, रघुनाथ कंद, रामदास कंद, गोसावी, आव्हाळे, भिवाजी कंद, माऊली कंद, शिवाजी कंद, संजय झुरुंगे यांच्यासह लोणीकंद येथील जयप्रकाश नारायण ज्येष्ठ नागरिक संघ व समाज प्रबोधन केंद्राचे सदस्य आदी मान्यवरांच्या उपस्थितीत करण्यात आले. सर्वांनी पुढील कारकीर्दीसाठी शुभेच्छा दिल्या.

यावेळी समाज प्रबोधनकार उत्तमराव भोंडवे यांनी स्थानिक प्रश्न, सामाजिक घडामोडी आणि सर्वसामान्य नागरिकांच्या समस्या प्रभावीपणे मांडण्यासाठी या वृत्तपत्राचे महत्त्व अधोरेखित केले. तसेच वृत्तपत्राच्या माध्यमातून परिसरातील बातम्यांना एक सक्षम व्यासपीठ मिळणार असून, स्थानिक पत्रकारितेला नवे बळ मिळेल, असा विश्वास सामाजिक कार्यकर्ते उत्तमराव भोंडवे यांनी व्यक्त केला.