पुणे कृषी उत्पन्न बाजार समितीच्या उपसभापतीपदी नानासाहेब आंबनावे यांची बिनविरोध निवड

पुणे कृषी उत्पन्न बाजार समितीच्या उपसभापतीपदी नानासाहेब आंबनावे यांची बिनविरोध निवड झाली. उपसभापतीपदासाठी आंबनावे यांचा एकमेव अर्ज दाखल झाल्याने निवडणूक निर्णय अधिकारी प्रकाश जगताप यांनी त्यांच्या बिनविरोध निवडीची घोषणा केली.

उपसभापती मनीषा हरपळे यांनी पदाचा राजीनामा दिल्यानंतर रिक्त झालेल्या उपसभापतीपदासाठी ही निवडणूक प्रक्रिया राबविण्यात आली. एकमेव अर्ज दाखल झाल्याने निवडणूक चुरस न होता आंबनावे यांची बिनविरोध निवड करण्यात आली.

यावेळी सभापती प्रकाश जगताप, माजी सभापती दिलीप काळभोर तसेच संचालक राजाराम कांचन, गणेश घुले, प्रशांत काळभोर, नितीन दांगट, दत्तात्रय पायगुडे, सुदर्शन चौधरी, लक्ष्मण केसकर, सारिका हरगुडे, मनीषा हरपळे, रविंद्र कंद आणि संतोष नांगरे यासह माहिती सेवा समितीचे संस्थापक चंद्रकांत वारघडे, ईश्वर गाडुते, मिलिंद हरगुडे, संदेश आव्हाळे, राजेंद्र खांदवे, नवनाथ काकडे आदी उपस्थित होते.

उपसभापतीपदाच्या निवडीचा ठराव संतोष नांगरे यांनी मांडला, तर शशिकांत गायकवाड यांनी अनुमोदन दिले. यानंतर निवडणूक निर्णय अधिकारी प्रकाश जगताप यांनी नानासाहेब आंबनावे यांची उपसभापतीपदी बिनविरोध निवड झाल्याचे जाहीर केले.