हवालदार अमोल ढोणे यांचा उत्कृष्ट कामगिरीबद्दल सत्कार

लोणीकंद, प्रतिनिधी :लोणीकंद पोलीस ठाण्यात कार्यरत असलेले हवालदार अमोल ढोणे यांचासह अठ्ठावीस पोलीस दलातील कर्मचाऱ्यांनी उत्कृष्ट कामगिरीबद्दल पुणे शहराचे पोलीस आयुक्त अमितेश कुमार यांच्या हस्ते सत्कार करण्यात आला.

खराडी पोलीस स्टेशन येथे दाखल झालेल्या NDPS गुन्ह्याच्या तपासात हवालदार ढोणे यांनी मोलाची भूमिका बजावली. या प्रकरणात त्यांनी पुण्यासह राजस्थान राज्यातील विविध जिल्ह्यांमध्ये जाऊन कारवाई केली. या धाडसी मोहिमेदरम्यान अमली पदार्थ, महागड्या गाड्या, मोबाईल फोन व इतर साहित्य असा एकूण सुमारे ४ कोटी ४० हजार रुपयांचा मुद्देमाल जप्त करण्यात आला.

तसेच या प्रकरणात राज्य व परराज्यातील एकूण सहा आरोपींना अटक करण्यात पोलिसांना यश आले. या उल्लेखनीय आणि धाडसी कामगिरीची दखल घेत पोलीस आयुक्त अमितेश कुमार यांनी हवालदार अमोल ढोणे यांचा सत्कार करून त्यांचे कौतुक केले.

या कारवाईमुळे अमली पदार्थांविरोधातील पोलिसांच्या मोहिमेला मोठे यश मिळाले असून, पोलीस दलात ढोणे यांच्या कामगिरीचे सर्वत्र कौतुक होत आहे.