बालमजुरी प्रकरणी कंत्राटदारावर गुन्हा दाखल

लोणीकंद पोलीस ठाणे हद्दीत बालमजुरीचे गंभीर प्रकरण उघडकीस आले असून एका बांधकाम कंत्राटदारा विरुद्ध गुन्हा दाखल केला आहे.

लोणीकंद पोलीस ठाण्याच्या मिळालेल्या माहितीनुसार, दि. १७ एप्रिल रोजी जिल्हा परिषद प्राथमिक शाळा, वाडेगाव (ता. हवेली, जि. पुणे) येथे एका बालकाकडून मजुरी करून घेत असल्याची माहिती पोलीसांना मिळाली. त्यानुसार वरिष्ठ पोलीस निरीक्षक सुनिता रोकडे, पोलीस निरीक्षक स्वाती खेडकर तसेच सहायक पोलीस निरीक्षक निलेश घोरपडे यांनी प्रत्यक्ष घटनास्थळी जाऊन परिस्थितीची सखोल तपासणी केली, तपासणीदरम्यान सिध्दार्थ शिवा पुजारी (वय १२ वर्षे) या बालकाकडून काम करून घेत असल्याचे आढळून आले.

संबंधित ठिकाणी उपस्थित असलेले कंत्राटदर हे अल्पवयीन मुलाकडून कमी वेतनात जास्त कष्टाचे काम करून घेत असल्याचे निष्पन्न झाले. या प्रकरणी पोलीस शिपाई रोहित माने यांच्या फिर्यादी वरून कंत्राटदार सचिन भागवत ढावरे (वय ३९) रा. हडपसर, पुणे याच्या विरुद्ध लोणीकंद पोलीस ठाण्यात गुन्हा गुन्हा दाखल करण्यात आला असून आरोपीस भारतीय नागरीक सुरक्षा संहिता कलम ३५(३) अन्वये नोटीस देण्यात आली असून पुढील तपास पोलीस उपनिरीक्षक अर्जुन थेरे हे करत आहे.