वाघोलीतील स्पा सेंटरवर छापा; ५ महिलांची सुटका, एक आरोपी अटकेत

वाघोली : अनैतिक मानवी वाहतूक व व्यापार प्रतिबंध कक्ष, गुन्हे शाखा, पुणे शहर यांनी वाघोली परिसरातील एका स्पा सेंटरवर छापा टाकून वेश्याव्यवसायातून ५ महिलांची सुटका केली असून एका आरोपीला अटक करण्यात आली आहे.

पोलिसांना मिळालेल्या गोपनीय माहितीच्या आधारे दि. २२ मे २०२६ रोजी बकोरी फाटा, वाघोली येथील रेम्बो क्रॉसेस बिल्डिंगमधील “9 सेन्सेस स्पा ” येथे महिलांकडून वेश्याव्यवसाय करून घेत असल्याची माहिती मिळाली होती. पोलीस निरीक्षक छगन कापसे यांच्या मार्गदर्शनाखाली पथकाने बनावट ग्राहकाच्या माध्यमातून माहितीची पडताळणी केली. त्यानंतर स्पा सेंटरवर अचानक छापा टाकण्यात आला.

या कारवाईत स्पा सेंटरमध्ये आणलेल्या ५ पीडित महिलांची सुटका करण्यात आली. तसेच महावीर सुदाम ससाणे (वय २९, रा. साईनाथनगर, पेरणे फाटा, ता. हवेली) याला अटक करण्यात आली असून आणखी एका आरोपीचा शोध सुरू आहे. याप्रकरणी वाघोली पोलीस ठाण्यात गुन्हा दाखल करण्यात आला आहे.

ही कारवाई पुणे शहर पोलीस आयुक्त अमितेश कुमार, सहपोलीस आयुक्त संजय दराडे, अपर पोलीस आयुक्त तेजस्विनी सातपुते, पोलीस उपायुक्त गौहर हसन व सहाय्यक पोलीस आयुक्त विजय कुंभार यांच्या मार्गदर्शनाखाली करण्यात आली. गुन्हे शाखेच्या पथकातील अधिकारी व कर्मचाऱ्यांनी या कारवाईत सहभाग घेतला.