सराईत कॉपर चोरी करणारी टोळी जेरबंद; शिक्रापूर पोलिसांची दमदार कामगिरी

शिक्रापूर प्रतिनिधी :

शिक्रापूर पोलीस स्टेशनच्या पथकाने कॉपर वायर चोरी करणाऱ्या सराईत टोळीचा पर्दाफाश करत तीन आरोपींना जेरबंद केले आहे. या कारवाईमुळे परिसरातील औद्योगिक भागात घडणाऱ्या चोरीच्या घटनांना आळा बसण्यास मदत होणार असून पोलिसांच्या या धाडसी कामगिरीचे सर्वत्र कौतुक होत आहे.

मिळालेल्या माहितीनुसार कोरेगाव (ता. शिरूर) येथील आयएमपी कंपनी मधून कॉपर वायर आणि केबल वायर चोरी झाल्याची घटना उघडकीस आली होती.

या प्रकरणाचा तपास शिक्रापूर पोलीस स्टेशनचे पोलीस हवालदार इंगवले व तपास पथकाने केला. तांत्रिक माहिती व गोपनीय सूत्रांच्या आधारे पोलिसांनी संशयितांचा शोध घेत अखेर नारायण रावसाहेब चव्हाण (रा. वाडेगाव, ता. शिरूर, जि. पुणे)

इम्तियाज मुकादर शेख (रा. वाडेगाव फाटा, कोरेगाव, ता. शिरूर, जि. पुणे)नासिर जिलानी खान (रा. कोरेगाव भीमा, ता. शिरूर, जि. पुणे) या तीन आरोपींना अटक केली असून पोलिसांच्या प्राथमिक तपासात या तिघांनी संगनमताने कंपनी परिसरातून कॉपर वायर व केबल चोरी केल्याचे निष्पन्न झाले आहे.

आरोपींना ताब्यात घेऊन पुढील तपास सुरू असून चोरीस गेलेल्या मालाबाबत अधिक माहिती गोळा करण्यात येत आहे. शिक्रापूर पोलिसांनी अल्पावधीत गुन्ह्याचा छडा लावत आरोपींना जेरबंद केल्याने नागरिकांमध्ये समाधान व्यक्त होत असून संबंधित पोलीस अधिकारी व कर्मचाऱ्यांवर कौतुकाचा वर्षाव होत आहे.