लोणीकंदचे ग्रामविकास अधिकारी जालिंदर बोरावणे हवेली तालुका ग्रामसेवक संघटनेच्या अध्यक्षपदी

लोणीकंद, ता. ९ : हवेली तालुक्यातील लोणीकंद ग्रामपंचायतीत कार्यरत असलेले ग्रामविकास अधिकारी जालिंदर बोरावणे यांची नूतनीकरण झालेल्या ग्रामसेवक संघटनेच्या हवेली तालुकाध्यक्षपदी निवड करण्यात आली आहे.

या निवडीबद्दल त्यांचा भारतीय जनता पार्टीचे पुणे जिल्हाध्यक्ष प्रदीप कंद यांच्या वतीने सत्कार करून अभिनंदन करण्यात आले. यावेळी बोरावणे यांना पुढील कार्यकाळासाठी शुभेच्छा देत ग्रामविकास आणि ग्रामसेवकांच्या प्रश्नांसाठी प्रभावीपणे काम करण्याचा विश्वास व्यक्त करण्यात आला.

सत्कार कार्यक्रमास सोमेश्वर पतसंस्थेचे चेअरमन संजय कंद, अविनाश तापकीर, नाना वराळे, महेश शिंदे, हनुमंत सरडे, जय कंद आदी मान्यवर उपस्थित होते.

जालिंदर बोरावणे यांच्या निवडीबद्दल ग्रामविकास अधिकारी, ग्रामसेवक तसेच विविध सामाजिक व राजकीय क्षेत्रातील मान्यवरांकडून त्यांच्यावर अभिनंदनाचा वर्षाव होत आहे.

Advertising Space